நின்ற இதயம், 120 நிமிடங்கள் பிறகு துடித்தது... ஒடிசாவில் நடைபெற்ற மருத்துவ அதிசயத்தை!

eCPR தொழில்நுட்ப ரீதியில் கஷ்டமானது என்றாலும், இருதய பிரச்சினை சிகிச்சையில் அடுத்த நிலை நம்பிக்கையாக உள்ளது.

makkalmedia Nov 20, 2024 80 0

நின்ற இதயம், 120 நிமிடங்கள் பிறகு துடித்தது... ஒடிசாவில் நடைபெற்ற மருத்துவ அதிசயத்தை!

eCPR சிகிச்சையின் மூலம் இதயத்துடிப்பு நிற்பின் 120 நிமிடங்களுக்குப் பிறகும், ஒரு நோயாளியின் உயிர் காப்பாற்றப்பட்டது. ஒடிசாவின் நாயகர் மாவட்டத்தைச் சேர்ந்த ஒரு ராணுவ வீரர், அவரின் இதயத்துடிப்பு கிட்டத்தட்ட 90 நிமிடங்கள் நிற்கும் நிலைக்கு சென்றிருந்தது. அவர் கடந்த அக்டோபர் மாதம் ஒடிசாவின் புவனேஸ்வர் எய்ம்ஸ் மருத்துவமனையில் அவசர நிலையில் சேர்க்கப்பட்டார். அங்கு, சற்று நேரத்திற்குள் அவருக்கு மாரடைப்பும் ஏற்பட்டது. அதன் பிறகு, வழக்கமான சி.பி.ஆர் (CPR) சிகிச்சை மேற்கொள்ளப்பட்டது. ஆனால், அவரின் இதயம் செயல்படவில்லை. இந்நிலையில், புவனேஸ்வர் எய்ம்ஸ் மருத்துவர்கள், eCPR என்ற சிறப்பு சிகிச்சையை பயன்படுத்தி அவரின் உயிரைக் காப்பாற்ற முடிந்தது. ஒடிசாவில் eCPR சிகிச்சை வெற்றிகரமாக மேற்கொள்ளப்பட்ட முதல் சம்பவமாக இது உருவானது, இதனை மருத்துவ உலகம் ஒரு அதிசயமாக கொண்டாடுகிறது.

eCPR (Extracorporeal Cardiopulmonary Resuscitation) என்பது நவீன மற்றும் மேம்பட்ட மருத்துவ சிகிச்சை முறை ஆகும். இது பாரம்பரிய CPR முறையையும் ECMO (Extracorporeal Membrane Oxygenation) தொழில்நுட்பத்தையும் ஒருங்கிணைத்து செயல்படுகிறது.

இதயம் மற்றும் நுரையீரல் செயலிழப்பால் அவசர சிகிச்சை தேவையான நோயாளிகளுக்கு, eCPR உயிர்காக்கும் மருத்துவ அதிசயமாக கருதப்படுகிறது. இதுகுறித்து தீவிர சிகிச்சை நிபுணர் மற்றும் எக்மோ நிபுணர் டாக்டர் ஸ்ரீகாந்த் பெகாரா கூறும்போது, "eCPR ஒரு தொழில்நுட்ப ரீதியான சவாலான முறை என்றாலும், இதய நிபுணத்துறையில் ஒரு புதிய நம்பிக்கையை உருவாக்குகிறது. இந்த சாதனை ஒடிசா மாநிலத்தின் மருத்துவ வரலாற்றில் முக்கியமான பருவமாகும்," என்று தெரிவித்துள்ளார்.

மேலும், eCPR சிகிச்சையின் மூலம் உயிர்ப்பெற்ற ராணுவ வீரர் தற்போது நல்ல முன்னேற்றம் காண்கிறார் என மருத்துவர்கள் உறுதிப்படுத்தியுள்ளனர்.

மேலும் தெரிந்து கொள்ள: